Best view: Rotate device
Jashne milad e Mohammad hay manao logo
Marhaba salay aala jhoom kay gao logo.
Waqt e maulood sitaray bhi umad kar aaye
Tum bhi ghar bar charagun say sajao logo.
Qudsiyun nay bhi qataroon say sajaya hay falaq
Tum bhi ghar kucha gali shehar sajao logo.
Sar qadam apna bana kay chalo taiba ki taraf
Un kay darbar main qismat say jo jao logo.
Mehfil e naat main bethay hoo muhabat say agar
Chhoro sharmana zara jhoom kay gao logo.
Qisa e hoor bhi apni jagah per acha
Mujh ko aaqa ki koi baat batao logo.
Itna Tahir bhi samajh paya hay ab ja kay kahin
Jashan ho aaqa ka phir dhoom machao logo
Views: 2289
Like The App?
Post a review!